TONY HKER

2021年1月6日星期三

加密貨幣DUKASCOIN(一蚊都唔洗出就送你錢)

最近加密貨幣Bitcoin爆升到30000美元以上, 人人睇到目定口呆. 大家都心郁郁想買返少少. 由於Bitcoin呢類加密貨幣交易市場無監管, 以往有發生過幾宗網絡安全事故而導致血本無歸. 唔係人人都夠擔玩.

今日我就唔係介紹點買Bitcoin, 而係介紹一款好多人都忽略左嘅Dukascoin. 呢款加密貨幣係由瑞士一間正式嘅銀行Dukascopy發行的. 呢間銀行係受到瑞士政府監管的. 我今次想教大家點樣可以一蚊都唔洗出, 就可以食到加密貨幣呢輪升浪, 以宜家呢刻計可以賺到100至200蚊 (因為波幅好勁) . 再講多次, 你係一蚊都洗出, 就可以有錢收.

Dukascoin官網: https://www.dukascoin.com/

睇返佢呢隻Dukascoin, 佢都係用Ethereum技術, 發行數量有上限.

由半年前1.5歐羅升到宜家5蚊歐羅以上, 升幅絕對比得上Bitcoin.

想添到呢200蚊, 首先大家只需要留在家中, 上網申請瑞士Dukascopy銀行離岸戶口, 銀行就送你5個加密貨幣. 無開戶費, 無最低存款, 無需住址證明. 只需要用你部手機影你本BNO passport 或特區護照, 就可以開到戶口.

👀重溫之前的介紹:

開戶方法: https://tung62.blogspot.com/2020/12/dukascopy.html

當你成功開戶後, 你登入個網上銀行就已經會見到你個戶口有5個Dukascoin. 呢個時候, 你就已經可以馬上進行交易, 睇啱市價賣出去.

注意，銀行可能因為Dukascoin炒到上天，最近更改服務條款，要戶口留有5個Dukascokns先至唔收月費.

＊＊＊＊不過我諗到個辦法幫大家，但就麻煩少少同埋唔係人人都得。如果你有伴侶，親人或死黨，你可以咁做，你照開個戶口，因為銀行送你5個Dukascoins，仍然係免月費，但你唔可以賣出果5個dukascoins住。你要揾你伴侶，親人或死黨，佢地都開一個戶口，當佢地開戶時，填你自己個Referral code。成功開戶後就可以多5個dukascoins （超過5個referral 就只得2.5coins)。咁樣你個戶口就有10個dukascoins, 你就可以賣出其中5個了。＊＊＊＊

要進行交易, 好簡單, 只要去Dukascoins個介面, 你就見到當時的市價係幾多, 再選Trade by Market, 你就可以以市價出售.

我以賣岀5個Dukascoins為例, 呢刻市價5.7歐羅, 扣除首次交易費連佣金, 就顯示你預期實收大約23歐羅. 啱價就Submit賣出, 就係咁簡單. 只要有人接貨, 你就收到錢.

當然啦, 你要張錢匯返黎香港或其他地區, 要收電匯錢, 未必有著數. 但如果你係已經打算開離岸戶口, 開呢間Dukascopy個離岸又送錢比你, 咁就好著數了. 又或者你可以用賺返黎的錢, 睇啱價再投資都好, 總之就係免費啦, 無蝕底的.

👀重溫之前的介紹:

開戶方法: https://tung62.blogspot.com/2020/12/dukascopy.html

Dukascopy銀行網站: https://www.dukascopy.bank/swiss/
＊＊如果大家喜歡我的介紹，開戶時輸入Referral Code: “9FQ-JCN”。

2020年12月9日星期三

瑞士真正離岸戶口Dukascopy (用Prepaid Card在香港ATM提款和網上購物)

1. 上兩集講左點樣成功開到真瑞士離岸戶口Dukascopy 和滙款到當地銀行戶口. 😀今集會介妱一下D錢去左瑞士, 點樣申請Prepaid Card (預付卡) 再係香港ATM㩒返錢出黎和網上購物.

2. 乜野係Prepaid Card?. Prepaid Card對香港人來講可能有點陌生, 但其實係好似 Credit Card 咁, 都係由Visa或MasterCard等公司授權發出的. Prepaid Card 使用方法係同Credit Card無分別, 可以用係實體店購物, 網上購物, 交費, 亦可以放入ApplePay或AndroidPay. Prepaid Card 同 Credit Card 最大分別是Prepaid Card 係從你個銀行個Prepaid Card戶口中扣錢, 你要事前從你個貨幣戶口轉足夠錢入去先可以進行交易. 另外, Prepaid Card可以當提款卡係ATM提取你戶口的錢.

3. 申請Prepaid Card 雖然是要比申請費(實體卡:15瑞士法朗CHF; 虛擬卡:9CHF) 和月費(1CHF). 太約HKD130申請費和加HKD7月費, 請留意銀行網頁最新的收費), 但我自己就覺得是值得考慮. 因為如果你目的走資或者未有英國銀行戶口時, 有一張Prepaid Card可以隨時消費, 提款和係英國當地使用.

4. 登入銀行戶口後, 選"Cards", 然後"Issue New Prepaid Card".

Card Type: Plastic 或 Virtual.

- Plastic 即是一張實體卡, 同時可以用係ApplePay或AndriodPay. 佢地會經掛號信寄張Card比你. 4星期內收到. 如果你想快D收到, 可選Express兩星期內收到, 但要額外收費.

- Virtual 沒有實體卡的虛擬卡, 只可以用係ApplePay或AndriodPay.

- 可選 Visa 或 MasterCard

Currency: 可選英鎊, 美元, 歐元或瑞士法朗. 一張Card一種貨幣. 你可以申請多過一張Card. 如果你打算係英國用, 就最好申請英鎊的Prepaid Card. 係英國就可以直接用來購物.

呢個時候, 你亦可以更改你的收卡地址 (如果是實體卡).

5. 提交申請後, 我只等兩星期多就收到張實體卡, 比預期快.

6. 跟從銀行指示Activate張卡後, 你手機個SMS會收到櫃員機的PIN. (留意, PIN只可以係瑞士境內的ATM改, 所以你如果唔用張卡時, 最好唔放咁多錢係個Prepaid Card戶口內, 安全D.)

7. 因為呢張係Prepaid Card, 所以我要先張銀行內嘅貨幣戶口, 轉少少錢過去個Prepaid Card個戶口度. 我就轉20英鎊咁多試下.

8. 張Card戶口有錢後, 我就求其搵一部ATM (一定要貼有Visa/MasterCard的ATM). 大部份香港ATM都有的. 同用普通ATM使用一樣, 入卡和密碼, 個ATM知道張卡係外國發出的, 所以就會提醒你有可以會收手續費. 根據官方網頁, ATM手續費係1%, 最少2CHF最多4CHF. 所以係ATM㩒錢只係作緊急時用的.

9. 選擇戶口時, 我試過所有選擇Reject, 只有"Default Card Account"係成功的. "Balance Inquiry" 亦係唔得的. 只可以選"Withdrawal"提款. 最後成功㩒左HKD100出黎. 銀行會自動根據佢地個滙價係你個戶口扣錢. (下面條影片無咩野睇, 拍底㩒錢時個ATM畫面顯示)

10. 係銀行交易上會顯示我係邊度㩒錢的, 好清楚, 仲清楚過香港銀行. 我㩒HKD100, 最後戶口連手續費共扣左個GBP12.59(當時滙價計大約HKD120), 好貴💰.

11. 其實張Prepaid Card最主要係用黎購物, 上網交費. 用法同Credit Card一樣. 如果你外地包括香港和英國, 你的交易Visa/MasterCard係會收國際手續費大約1%, 但總比ATM最低手續費平👍. 我試過用張卡係NETFLIX 網上交月費HKD63, 連VISA匯率和手續費, 最後扣了GBP6.44.

12. 但大家要注要一點, 呢張係外幣Prepaid Card黎, 係香港實體店做交易, 唔係間間店都接受的, 要個間店(例如大型百貨或做旅客生意的)接受外幣交易先至得. 如果你去英國用英鎊Prepaid Card當然就無呢個問題啦.

13. 大家如果仲未申請到其他大銀行的離岸戶口, 申請Dukascopy戶口和Prepaid Card, 係宜家風高浪急的時勢, 係一個可以考慮的方法, 以防萬一✌.

14. 希望大家能成功申請到真正的離岸戶口.

💢瑞士Dukascopy Bank 網址: 👉 https://www.dukascopy.bank/swiss/. 👈

如果大家鍾意我的介紹, 想支持小弟, 申請戶口時可輸入小弟的Referral Code ”9FQ-JCN”.🙏🙏

以上資訊只提供當時的情況, 請留意銀行最新的資訊. 如對以上資訊有任何意見, 請多多指教😉

👀重溫之前的介紹:

開戶方法: https://tung62.blogspot.com/2020/12/dukascopy.html

滙款方法: https://tung62.blogspot.com/2020/12/dukascopy-citibank-priority.html

2020年12月6日星期日

瑞士離岸戶口Dukascopy (滙款成功 + Citibank Priority滙款免手續費)

1. 上集講到點樣成功開到真瑞士離岸戶口Dukascopy (上集內容: https://tung62.blogspot.com/2020/12/dukascopy.html). 😀今集會介妱一下D錢點樣係香港經網上銀行滙錢過去(電滙).

2. 首先, 我誤打誤撞之下發現, 原來Citibank Priority電滙去其他國家係完全唔收手續費的. 原先Citibank Priority 官方要求要有50萬存款先至免收月費. 你地唔好以為我好有錢. 我本來只得Citibank 個普通戶口. 有一天, 我去分行辦理戶口事宜, 個職員問我升唔升級做Priority, 佢話宜家暫時豁免月費, 就係咁就升級左✌. 大家可以問下Citibank最新開戶要求.

3. 坊間亦有人介紹用transferwise.com, 滙價雖然係平D, 但佢係計你滙款額收手續費, 💰滙款越多手續費越多💲. 反而用Citibank Priority不收手續費, 計出黎會仲低. 大家自己計下先決定.

4. 要滙錢過Dukascopy, 唔係想像中咁難的. 以下我用Citibank Priority 和 Dukascopy的USD美元戶口做例子. 當然你要係兩間銀行都已經有相關外幣戶口.

5. 除左你要知道你個Dukascopy戶口號碼外, 還要有銀行的SWIFT Code 等銀行資料. 大家唔洗擔心, 這些資料全部可以係你登入左Dukascopy之後睇到晒的.

6. Login你個Dukascopy戶口之後. 選"DEPOSIT"存錢, 然後"Bank Transfer". 其他方法我沒有研究, 所以不能介紹.

7. 再選貨幣(e.g. USD)就會顯示你個貨幣戶口和相關資料 (Beneficiary受益人 - 即係你個戶口 和 Intermediary Bank中介銀行). 睇你香港用邊間銀行去發出電匯. 有些銀行(例如Citibank)只需要提供Beneficiary受益人資料, 但有些銀行要提供埋Intermediary Bank中介銀行資料.

8. Login 你係香港的網上銀行(e.g. Citibank), 登記收款戶口資料. 先用SWIFT code "DUBACHGG"去揾個銀行出黎 (其他銀行可能要自己打銀行資料).

9. 輸入其他資料. 以下是資料名稱配對供參考. 但這些資你最好都係睇返銀行網頁為準.

Dukascopy Citibank

Full Name Payee Name <-- 收款人全名 (先名後姓)

Account Number (IBAN) Account No. With Payee <-- 你個收款戶口

Address Payee Address <-- 你登記係Dukascopy的地址

Bank Payee Bank Name <-- DUKASCOPY BANK SA

SWIFT (BIC) Global Bank Code <-- DUBACHGG

10. 所有資料最好用Copy & Paste方法避免打錯. 尤其係你個全名, 因為外國人全名係用先寫名後寫姓的.

11. 收款戶口資料登記完成後, 就可以過數了. 選好登記戶口, 滙款, 貨幣等資料. 用Citibank Priority最重要記得選"Debit Charges to Our Account", 好重要! 好重要! 即滙款所有費用都由Citibank戶口中扣除. 由於Priority免收費, 所以整個滙款都不會收你手續費.

12. Submit左滙款, 大約一至兩個工作天就收到整筆匯款💰💰.

13. 我的滙款經歷: 我試過滙美元和英鎊都沒有問題. 但曾經有一次滙英鎊時出現問題. 可能因為英國對資金來源審查嚴格, 滙款金額可能較大關係(數千英鎊), 筆錢被Hold左兩星期😨, 最後因為話👮Compliance👮原因拒絕左, 退還款項. 後來我再試較細金額, 滙500英鎊就成功. 因為有這個經歷, 所以我通常是滙美元的, 次次都成功. 有需要就可以係Dukascopy用美元買入英鎊, 佢地個滙價很不錯的, 比Citibank好.

14. 最後, 提提大家, Dukascopy係有總存款上限 和 每季存款上限的. 如果你超過每季上限, 就要等下一季才可以再滙錢. 但你係可以申請提高存款上限💪, 只要你能提供最近三個入息證明, Send Email比佢地就得. 我亦成功提高了上限. 這方面就要根據你個人的需要了. 如有問題, 只要向個Chat度問佢地職員就得. 佢地會解答和教你點做.

15. 下一集, 我就會介紹如何申請Prepaid Card, 然後係香港ATM櫃員機提款和網上購物.

16. 希望大家能成功申請到真正的離岸戶口.

💢瑞士Dukascopy Bank 網址: 👉 https://www.dukascopy.bank/swiss/. 👈

如果大家鍾意我的介紹, 想支持小弟, 申請戶口時可輸入小弟的Referral Code ”9FQ-JCN”.🙏🙏

以上資訊只提供當時的情況, 請留意銀行最新的資訊. 如對以上資訊有任何意見, 請多多指教😉

👉Prepaid Card: ATM提款和網上購物:
https://tung62.blogspot.com/2020/12/dukascopy-prepaid-card-atm.html

👀重溫之前的介紹:

開戶方法: https://tung62.blogspot.com/2020/12/dukascopy.html

瑞士真正離岸戶口Dukascopy (成功申請方法)

1. 近期, 香港政治局勢令唔少港人都諗, 要開返個離岸戶口, 作為分散風險或者移民之用. 有唔少人都有疑慮, 究竟開左個離岸戶口之後, D錢存係外國, 係唔係隨時可以係香港或者其他國家攞到. 今集我就介紹一間真正嘅離岸戶口. 係瑞士當地一間銀行Dukascopy, 真真正正的離岸戶口. 開戶費用係免費, 而且無最低存款要求. 開戶過程全部透過網上進行. 💲成功申請, 銀行更加會送5個Dukascoin, 價值大約港幣50蚊💰. (請留意銀行最新條款有否更改）希望呢度個介紹能令大家成功申請離岸戶口. 開定無壞的,到有需要時隨時用得著. 世界政局變幻莫測,今天不知明天事.

2. 首先, 我地去呢間Dukascopy銀行集團嘅網站https://www.dukascopy.com/. 呢個集團有不同種類嘅金融服務. 今次介紹嘅離銀行戶口服務, 係叫Multi-Currency Account. 係網頁入面㩒”Banking”就可以揾到.

3. 如果你想直接去Multi-Currency Account個網頁開戶口, 亦可以直接用這條Link

👉 https://www.dukascopy.bank/swiss/. 👈

4. 我地係呢間銀行嘅FAQ上睇到, 每位存戶係受到瑞士國家監管機構監管的, 有十萬瑞士法郎存款保障。即係好似香港嘅存款保障咁。開戶費用係免費, 無最低存款要求.不過如果存款超過指定金額會收年費. 現時嘅規定係超過5萬美元, 大約港幣39萬, 超過就要收年費0.4%. 但39萬對一般人黎講已經好多了. (大家記住留意銀行最新嘅服務收費有冇更改)

5. 好啦, 咁我地去返個銀行主頁. 想開戶口, 就一定要下載佢個銀手機App. 可以㩒”Open Account”. 然後再簡返你用嘅App Store去下載.

6. 你亦可以直接去App Store找尋"Dukascopy Connect 911"下載個App. 點樣安裝個app我就唔講啦,大家都好醒目,一定攪得掂.

7. 第一次開個App就會問你個手提電話號碼登記, 因為銀行戶口係用電號登記. 輸入電話號碼之後, 系統就會發送一次性密碼做認證. (可能個手機係正體中文, 個App初時會用中文字顯示(不過係簡體), 但之後可以轉用英文的.)

8. 手機號碼認證後, 就可以進入下一步, 填寫戶口申請表格.首先叫你填個姓名. 不過我發現呢度填嘅姓名同你之後真正開戶的姓名係無關係的. 呢度填個名主要係個App上面嘅Display Name. 所以不須要太在意點填個名. 但都唔好用古靈精怪, 用返你自己個名最好.

9. 如果大家想給小弟一點鼓勵, 可以在申表時填上小弟的Referral Code ”9FQ-JCN”.🙏🙏 (當然唔填都無問題)

10. 呢個App有個Chat功能, 如果大家咩問題, 除左睇FAQ之外, 亦可以利用Chat, 裡面係有真人回答你嘅問題, 我試過多次, 佢地個服務都幾好, 回覆亦好快.

11. 選App下方的"BANK" (上圖), 👏終於去到申請戶口填表嘅步驟了👏.

12. 需要準備嘅文件只要Passport, 我個成功例子係用BNO Passport (理論上特區護照都可以). 我用BNO係最後成功申請. 跟住個App指示去做, 用個App去影Passport上面印有你張相和個人資料個一頁. 個App會自動讀取Passport上的個人基本資料, 填入張申請表上.

13. 填寫國家個欄, 因為我用BNO申請, 我選擇”United Kingdom”英國為我的國家. 無任何問題, 最後係成功申請的. 如果你用特區護照就應該要選China中國了. (呢度開始, 可以選擇用其他語言顯示個App. 如果大家唔想見到簡體字, 就可以轉用英文顯示.)

14. 地址填報不用提交住址證明, 往後亦可以隨時經Chat去申請改. 我就填寫香港住址, 方便之後申請實體Debit Card.

15. 最後問你係咪政治人物, 係咪美國人, 你係咪個戶口擁有人等.

16. Submit左申請後, 你會收到電郵去認證你登記的電郵地址. 完成後, 再會收到一封電郵確認收到你嘅戶口申請.

17. 黎到最後一個步驟, 你需要利要用個App入面Video Identification 視象認證功能去完成個身份認證. 你唔需心急的, 你可以找一個方便嘅時間先至開始, 完全由你自己決定.

18. 當你係個App上面開以做視象認證時, 如果你無要求, 銀行職員會用英文, 根據官方網頁所講, 你係可以要求用中文溝通, 但我唔清楚係普通話定係廣東話. 不過就算係用英文, 大家都唔洗怕, ✌我D英文都好差都能完成✌. 銀行職員主要都係要見到你個樣, 問你個英文全名, 然後叫你拎本Passport出黎, 放係鏡頭前面, 用唔同角度影個Passport. 咁就完成, 全個過程不需要10分鐘.

19. 完成後, 就等電郵通知. 我等了數小時就收到電郵通知, 戶口申請成功批核. 登入密碼亦會透過電郵發送, 之後自己改.